കൃഷി ഉന്നതിയോജന 60 ശതമാനം കേന്ദ്ര വിഹിതവും 40 ശതമാനം സംസ്ഥാന വിഹിതവുമുള്ള ഒരു സംയോജിത പദ്ധതിയാണ്. സിംഗിള്‍ നോഡല്‍ ഏജന്‍സിയ്ക്ക് കീഴില്‍ പി.എഫ്.എം.എസ് സംവിധാനത്തിലായിരിക്കും ഈ പദ്ധതി നടപ്പിലാക്കുക. ദേശീയ ഭക്ഷ്യസുരക്ഷാ മിഷന്‍ (എന്‍.എഫ്.എസ്.എം), ഹോര്‍ട്ടിക്കള്‍ച്ചര്‍ സംയോജിത വികസന മിഷന്‍ (എം.ഐ.ഡി.എച്ച്), സുസ്ഥിര കൃഷിയ്ക്കുള്ള ദേശീയ മിഷന്‍ (എന്‍.എം.എസ്.എ), കാര്‍ഷിക വിജ്ഞാന വ്യാപനത്തിനും സാങ്കേതിക വിദ്യയ്ക്കുമുള്ള ദേശീയ പദ്ധതി (എന്‍.എം.എ.ഇ.റ്റി) രാഷ്ട്രീയ കൃഷി വികാസ് യോജന (ആര്‍.കെ.വി.വൈ), പരമ്പരാഗത് കൃഷി വികാസ് യോജന (പി.കെ.വി.വൈ), പ്രധാന്‍മന്ത്രി കൃഷി സിഞ്ചായി യോജന (പി.എം.കെ.എസ്.വൈ), ദേശീയ കാര്‍ഷിക വനവത്കരണ പദ്ധതി, സസ്യസംരക്ഷണത്തിനും സസ്യരോഗ കീട കള വ്യാപന നിയന്ത്രണ പരിശോധനയ്ക്കുമുള്ള സബ്മിഷന്‍, വിവര സാങ്കേതിക വിദ്യ, കാര്‍‌ഷിക വിപണനത്തിനായുള്ള സംയോജിത പദ്ധതി, കേദ്ര സഹായത്തോടെയുള്ള വിള ഇന്‍ഷുറന്‍സ് പദ്ധതി എന്നീ കേന്ദ്രാവിഷ്കൃത പദ്ദതികളുടെ സംസ്ഥാന വിഹിതം ഇതിലുള്‍പ്പെടുന്നു. 2024-25 വര്‍ഷം ഈ പദ്ധതികളിലെ സംസ്ഥാന വിഹിതമായി 7700.00 ലക്ഷം രൂപ വകയിരുത്തുന്നു. ഇതില്‍ 1000.00 ലക്ഷം രൂപ കാര്‍ഷിക വിജ്ഞാന വ്യാപനത്തിനും സാങ്കേതിക വിദ്യയ്ക്കുമുള്ള പദ്ധതിയുടെ (എന്‍.എം.എ.ഇ.റ്റി)  ഉപപദ്ധതിയായ കാര്‍‌ഷിക വിജ്ഞാന വ്യാപനത്തിനായി(എസ്.എം.എ.ഇ) നീക്കിവച്ചിരിക്കുന്നു. രാഷ്ട്രീയ കൃഷി വികാസ് യോജന (ആര്‍.കെ.വി.വൈ) യുടെ സംസ്ഥാന വിഹിതമായി 1500.00 ലക്ഷം രൂപയും , ഹോര്‍ട്ടിക്കള്‍ച്ചര്‍ സംയോജിത വികസന മിഷന്റെ സംസ്ഥാന വിഹിതമായി 1200.00 ലക്ഷം രൂപയും, കാര്‍ഷിക യന്ത്രവല്‍ക്കരണത്തിനായുള്ള സബ്മിഷന്‍ പദ്ധതിയുടെ സംസ്ഥാന വിഹിതനായി 2000.00 ലക്ഷം രൂപയും വകയിരുത്തുന്നു. ഇതിനുപുറമേ  2024-25 ല്‍ പുതിയ കേന്ദ്രാവിഷ്കൃത പദ്ധതികള്‍ ഏതെങ്കിലും അനുവദിയ്ക്കുന്ന മുറയ്ക്ക് അവയ്ക്കുള്ള സംസ്ഥാന വിഹിതമായി 2000.00 ലക്ഷം രപൂപയും ഇതില്‍  വകയിരുത്തുന്നു.